Жария оферта
1. Жалпы ережелер
1.1. «Arbuz Group (Арбуз Груп)» ЖШС, бұдан әрі «Агент» деп аталатын, Жарғы негізінде іс-қимыл жасайтын Басқарушы директор Мадина Казбековна Мазина, күнделікті сұраныстағы тауарлар кейіннен жеткізілетін тапсырыс туралы осы Жария офертаны https://arbuz.kz сайтында (бұдан әрі-Сайт) орналастырады.
1.2. Қазақстан Республикасы Азаматтық кодексінің (бұдан әрі — АК) 387 және 389-баптарына сәйкес, бұл құжат жария оферта болып табылады және онда баяндалған талаптар қабылданған жағдайда осы оферта акцептін жүргізетін жеке тұлға осы оферта талаптарына сәйкес Тауар және оны жеткізу ақысын төлеуді жүзеге асырады.
1.2.1. АК-ның 396-бабы 3-тармағына сәйкес, Сатып алушының тиісті Агентке Сатып алушы таңдаған дүкенде күнделікті сұраныстағы тауарларды Сатып алушыға сатып алуға тапсырма жіберуі (бұдан әрі - Тапсырыс) Акцепт болып табылады.
1.2.2. Сайтта кейіннен Тапсырысты ресімдейтін себетті қалыптастыру Сатып алушының оферта талаптарымен келісуі, сондай-ақ тиісті Агент арқылы тапсырыс берілген күнделікті сұраныстағы Тауарларды қабылдауға және төлеуге, сондай-ақ осы күнделікті сұраныстағы тауарларды офертада баяндалған талаптармен Тапсырысты жеткізген тиісті Агентке жеткізу құнын төлеуге келісуі болып табылады.
1.3. Жария офертаның мәтінімен мұқият танысып шығыңыз және егер сіз қандай да бір талаптармен келіспесеңіз, Сайтта тапсырыс жасамаңыз.
1.4. Осы офертада мынадай терминдер мен анықтамалар пайдаланылады:
«Сатып алушы» — Агентпен төменде көрсетілген талаптарда Шарт жасасқан жеке немесе заңды тұлға;
«Агент» — Сатып алушы таңдаған дүкенде Сатып алушы күнделікті сұраныстағы тауарларға тапсырысты (сатып алу) жүзеге асыратын және тапсырысты Сатып алушыға жеткізетін заңды тұлға;
«Сайт» — www.arbuz.kz веб-сайтын қамтитын интернет-дүкен, IOS платформасындағы құрылғыларға арналған Arbuz.kz мобильді қолданбасы және Android платформасындағы құрылғыларға арналған Arbuz.kz мобильді қолданбасы.
«Оферта» — тиісті Агенттің кез келген жеке тұлғаға (Қазақстан Республикасының азаматына) және заңды тұлғаға Агентпен агенттік шарт (бұдан әрі — шарт) жасасуға жолданған жария ұсынысы, ол бойынша Сатып алушының тапсырысы бойынша Сатып алушы таңдаған дүкеннен тиісті Агент күнделікті сұраныстағы тауарларды қолданыстағы талаптарда сатып алады және жеткізеді;
«Акцепт» — Сатып алушының Шарт талаптарын толық және сөзсіз қабылдауы;
«Тауар» — Сатып алушы таңдаған күнделікті сұраныстағы тауарлардың тізбесі;
«Тапсырыс» — Сатып алушы Arbuz.kz сайтында өтінімді ресімдеу кезінде көрсеткен күнделікті сұраныстағы тауарлардың сұрыпталымдық тізбесінен жекелеген жайғасымдар;
«Жеткізу» — Сатып алушы таңдаған дүкеннен Сатып алушыға тапсырысты жеткізу бойынша тиісті Агенттің курьерлік қызметтері;
«Электрондық төлем жүйесі» — Тауар және оны тиісті Агенттің банк картасына жеткізу үшін ақша қаражатын аудару.
«Тауар ақысын онлайн төлеу сервисі» — Arbuz.kz сайтында Тауар ақысын онлайн төлеу және оны жеткізу үшін Сатып алушының жеке кабинетінде банктік төлем картасын Сатып алушының есептік жазбасына тіркеу.
«Тауар ақысын онлайн төлеу» — Тауарды Сатып алушыға іс жүзінде берген сәтте курьерге банк картасын бермей не қолма қол ақша қаражатын пайдаланбай оның ақысын төлеу.
«Нақты құны» — Сатып алушыға жеткізуді жүзеге асыру басталған сәттегі жайғасымдардың салмағы мен бағасына қарай есептелген Тапсырыс құны.
«Жазылым» — Агенттің «Arbuz Friends» деп аталатын қызметтерді көрсетуінің арнайы талаптар топтамасы, олардың мәтіндері www.arbuz.kz веб-сайтында жарияланған.
2. Шарттың мәні
2.1. Сатып алушы тапсырыс берілген Тауардың және оны жеткізу құнын кейіннен төлей отырып, Сайтта тапсырысты ресімдеу арқылы тауарларға тапсырысты (сатып алуды) жүзеге асырады.
2.2. Осы Шарт және оған қосымшалар «Arbuz Group (Арбуз Груп)» ЖШС-ның ресми құжаттары және офертаның ажырамас бөлігі болып табылады.
3. Тапсырысты ресімдеу
3.1. Сатып алушы Тауарға тапсырыс беруді Сайт арқылы жүзеге асырады. Сатып алушының Сайтында тіркелу кезінде өзі туралы мынадай деректерді беруге міндеттенеді:
— аты;
— туған жылы;
— заңды тұлғаның деректемелері (Сатып алушы заңды тұлға болған жағдайда);
— нақты жеткізу мекенжайы;
— электрондық поштаның мекенжайы;
— байланыс телефоны.
Сатып алушы Агенттің дербес деректерді өңдеуіне, Сатып алушының жеке кабинеттегі парақшасында дербес деректерді көрсетуге өзінің келісімін білдіреді. Осы тармаққа сәйкес дербес деректерді өңдеу мақсаты Агенттің осы Шарттың талаптарын орындауы болып табылады. Осы тармақтың мақсатында дербес деректерді өңдеу деп: электрондық хаттар мен SMS-хабарларды жинау, жүйелеу, жинақтау, сақтау, пайдалану, тарату, акциялар туралы хабардар ету және осы Шартты орындау үшін қажетті өзге де әрекеттер түсініледі.
Агент Сатып алушының дербес ақпаратын заңсыз немесе кездейсоқ қол жеткізуден, жоюдан, өзгертуден, бұғаттаудан, көшіруден, таратудан, сондай-ақ онымен үшінші тұлғалардың өзге де заңсыз әрекеттерінен қорғау үшін қажетті және жеткілікті шаралар қабылдауға міндеттенеді.
3.2. Агент Тапсырыс беру кезінде Сатып алушы ұсынған ақпараттың мазмұны мен дәйектілігіне жауап бермейді. Бұл жауапкершілікті Сатып алушы атқарады.
3.3. Сайтта кейіннен тапсырысты ресімдейтін себетті қалыптастыру Сатып алушының осы Шарттың талаптарымен келісуін білдіреді. Тапсырысты ресімдеу сәті Агент пен Сатып алушы арасында шарт жасасу күні болып табылады. Тапсырысты ресімдей отырып, Сатып алушы бір мезгілде Тапсырысты жеткізу және оны төлеу бойынша тиісті Агенттің талаптарына келіседі.
3.4. Сайтта орналастырылған барлық ақпарат анықтамалық сипатқа ие және тапсырыс берілетін Тауардың белгілі бір қасиеттері мен сипаттамалары туралы дәйекті ақпаратты толық көлемде бере алмауы мүмкін, бірақ орналастырылатын ақпараттың Сатып алушы таңдаған дүкенде ұсынылған Тауар туралы деректерге толық сәйкестігі үшін міндетті түрде орналастырылатын осындай ақпарат жүйелі түрде жаңартылып отырады.
3.5. Агент Сатып алушыны алдын ала және кейіннен хабардар етпей кез келген уақытта осы Шартты өзгертуге, толықтыруға құқылы. Кез келген өзгерістер, толықтырулар осы ақпаратты Сайтқа орналастырған сәттен бастап күнтізбелік 5 (бес) күн өткен соң күшіне енеді.
3.5. Сатып алушы Тапсырысты ресімдеу кезінде науқандық және жеңілдікті промокодтарды пайдалануға құқылы. Промокодты пайдалана отырып, Сатып алушы оны енгізген кезде промокод талабына автоматты түрде келіседі.
3.6. Егер Сатып алушы сатып алу кезінде промокодты пайдаланса, онда сатып алудың жалпы сомасы 200 000 теңгеден аспауы тиіс.
4. Тауарды қабылдау және қайтару
4.1. Осы Шарттың талаптарына сәйкес Сатып алушы:
4.1.1. Тауарды Сатып алушыға бергенге дейін кез келген уақытта (яғни іс жүзінде жеткізу, Тауарға ақы төлеу және оны жеткізу құнына дейін) Тапсырыс берілген Тауардан немесе оның бір бөлігінен бас тартуға.
4.1.2. Тапсырыс берілген Тауарды алған сәттен бастап 24 (жиырма төрт) сағат ішінде оны бергеннен кейін одан бас тартуға не Тауардың сапасы бойынша кемшіліктері анықталған жағдайда, Агентті осы Шарттың 9-тармағында көрсетілген телефондар немесе электрондық пошта арқылы Тауар сапасының анықталған кемшіліктері туралы алдын ала хабардар ете отырып, Тауарды қайтаруға не айырбастауға құқылы.
4.2. Агент пен Сатып алушы банктерінің талаптарына сәйкес банк картасына ақша қаражатын қайтару 3-10 жұмыс күні ішінде жүзеге асырылады.
5. Жеткізу талаптары
5.1. Агент Тауарды жеткізуді Сатып алушының Сайтта ресімдеген тапсырысы негізінде жүзеге асырады.
5.2. Тауарды жеткізу Сатып алушының есебінен жүзеге асырылады. Жеткізу құны тапсырысты ресімдеген сәтте қалыптастырылады.
5.3. Тапсырыс берілген Тауарға меншік құқығы, сондай-ақ Тауардың кездейсоқ жоғалу (жойылу) немесе бүліну тәуекелі Тауарды Сатып алушыға берген сәтте Агенттен Сатып алушыға ауысады.
5.4. Сатып алушыға тауарды жеткізген сәтте «Тұтынушылардың құқықтарын қорғау туралы» ҚР Заңының 10-бабында көзделген Тауар туралы ақпарат жазбаша нысанда берілугн тиіс (бұл ақпарат тапсырыс берілген Тауардың жапсырмаларында қамтылады).
6. Есеп айырысу тәртібі, бағасы және мерзімдері
6.1. Сатып алушы Тауар ақысын онлайн төлеу сервисі арқылы электрондық төлем жүйелерінің көмегімен Агенттің шотына ақша қаражатын аудару, Тауарды жеткізген сәтте оны алған кезде қолма-қол ақшалай немесе қолма-қол ақшасыз есеп айырысу жолымен немесе Сатып алушы - заңды тұлға болған жағдайда банктік аударыммен Тауар және оны жеткізу ақысын төлеуді теңгемен жүргізеді.
Клиент Агентке тіркелген банк картасынан тапсырыстың нақты құнын және жеткізу құнын акцептсіз есептен шығаруға рұқсат береді.
6.2. Сатып алушының Тауар және оны жеткізу ақысын төлеу міндеттемелері Агенттің шотына ақша қаражаты келіп түскен немесе Тауарды жеткізуші курьер ақша қаражатын алған сәттен бастап орындалған болып есептеледі.
6.3. Агент пен орындаушы арасындағы есеп айырысу олардың арасында жасалған шарт негізінде жүзеге асырылады және жария офертаның реттеу нысанасы болып табылмайды. Жеткізу құны Тапсырыстың соңғы құнына кіреді.
6.4. Сатып алушы Жазылымды Сайт арқылы тиісті кезеңге автоматты түрде ұзарта отырып, 1 (бір), 6 (алты) немесе 12 (он екі) айға сатып алу жолымен ресімдеуге құқылы.
6.5. Жазылым құны Сайтта Сатып алушы оны ресімдеген сәтте көрсетіледі. Клиент Жазылым ақысын төлеу үшін өз шотынан ақша қаражатын автоматты түрде мерзімді есептен шығаруға өзінің келісімін береді.
6.6. Агенттің Жазылым шеңберіндегі міндеттемелері орындалды деп есептеледі және Сатып алушы Жазылым кезеңінде Агенттен тиісті орындаудың талап етілгеніне қарамастан, сондай-ақ Жазылым кезеңінде Сатып алушының тиісті артықшылықтарды пайдалану көлеміне қарамастан төлеуге жатады. Жазылым талаптарының шеңберінде көзделген қызметтер Клиент тиісті кезең үшін Жазылым ақысын төлеген сәтте көрсетілген болып есептеледі.
7. Науқандар және арнайы ұсыныстар
7.1. Сатып алушылар үшін өткізілетін науқандар мен арнайы ұсыныстардың барлық талаптары Сайтта жазылады.
7.2. Себетті қалыптастыру кезінде «Тапсырысты ресімдеу» батырмасын баса отырып, Сатып алушы Сайтта орналастырылған науқандардың талаптарымен келіседі.
7.3. Тапсырысты ресімдеу кезінде өзінің байланыс деректері — телефон нөмірі мен электрондық поштасын қалдыра отырып, Сатып алушы электрондық жәшікке SMS-хабарлар, Push-хабарламалар және хаттар арқылы ақпараттық хабарларды жіберуге келіседі.
8. Жеке және конфиденциалды ақпарат
8.1. Сатып алушының жеке және конфиденциалды ақпаратына мыналар: аты-жөні, туған күні, нақты жеткізу мекенжайы, байланыс телефоны, электрондық пошта мекенжайы және төлем деректері жатады.
8.2. Сайт деректерді тек жұмыс үшін немесе қолданбаны жақсарту үшін жинап, қолдана алады.
9. Тараптардың жауапкершілігі
9.1. Тараптар осы Шарт бойынша міндеттемелерді орындамағаны немесе тиісінше орындамағаны үшін Қазақстан Республикасының қолданыстағы заңнамасына сәйкес жауапкершілік атқарады.
9.2. Агент Тапсырыстарды орындау бойынша өз құқықтары мен міндеттерін үшінші тұлғаларға беруге құқылы.
9.3. Дауларды сотқа дейінгі реттеудің наразылық тәртібі міндетті. Сатып алушы Тапсырысты тиісінше орындамау бойынша барлық наразылықтарды [email protected] электрондық пошта мекенжайына жіберуге құқылы. Наразылық Агент тарапынан бұзушылықтардың нақты тізбесін, Тапсырыстың нөмірі мен күнін, байланыс деректерін және шағымды жіберген Сатып алушының қолын қамтуы тиіс. Наразылық нысанын немесе мазмұнын сақтамау оны мәні бойынша қараудан бас тартуға әкеп соғады.
9.4. Егер дауды наразылық тәртібімен реттеу мүмкін емес болса, дауды кез келген мүдделі тарап Агенттің орналасқан жері бойынша жалпы юрисдикция сотына бере алады.
10. Шарттың қолданыс мерзімі
10.1. Осы Шарт тапсырысты ресімдеген сәттен бастап күшіне енеді және Тараптар өзіне қабылдаған міндеттемелерді толық орындағанға дейін қолданылады. Сұрақтар туындаған жағдайда, Сатып алушы +7 (727) 346 85 83 телефоны немесе [email protected] электрондық пошта арқылы хабарласа алады.